Sari

SOCAR prezidentinin iştirakı ilə Nərimanabada təbii qaz verildi.

Sarili — Fri, 26 Jun 2015 19:31:59 GMT

Azəriqaz” İstehsalat Birliyi tərəfindən respublika əhalisinin təbii qaza olan təlabatının ödənilməsi məqsədi ilə həyata keçirilən genişmiqyaslı tədbirlər uğurla davam etdirilir.
Görülmüş işlərin nəticəsidir ki, uzun müddət təbii qaz almayan yaşayış massivləri “mavi yanacaq”la təmin olunur, qaz infrastrukturundakı mövcud problemlər intensiv şəkildə aradan qaldırılır. İyunun 25-də Lənkəran rayonunun Nərimanabad və Üzümçülük kəndlərinə təbii qaz verilmişdir.

Bu münasibətlə Nərimanabad kəndində keçirilmiş mərasimdə Azərbaycan Respublikası Dövlət Neft Şirkətinin prezidenti Rövnəq Abdullayev və SOCAR rəhbərliyinin, habelə Lənkəran rayon icra hakimiyyətinin və ictimaiyyətin nümayəndələri iştirak etmişlər.

SOCAR prezidentinə məlumat verilmişdir ki, hər iki kəndə qaz verilişi bərpa olunur. Bu məqsədlə 754 abonenti olan Nərimanabad kəndinə birpilləli sistem əsasında ümumi uzunluğu 28214 metr müxtəlif diametrli metal borularla daşıyıcı və məhəllədaxili qaz xətləri çəkilmiş, 754 ədəd sayğac və fərdi tənzimləyici quraşdırılmışdır.

Üzümçülük kəndinə isə uzunluğu 8528 metr müxtəlif diametrli metal, 901 metr muxtəlif diametrli polietilen borularla daşıyıcı və məhəllədaxili qaz xətləri çəkilmiş, 167 ədəd sayğac və fərdi tənzimləyici quraşdırılmışdır.

Açılış mərasimində çıxış edən Rövnəq Abdullayev bu əlamətdar hadisə münasibəti ilə hər iki kəndin sakinlərini təbrik etmiş, son illər ölkənin hər yerində qaz təchizatı sisteminin yenidən qurulması, kənd və qəsəbələrin qazlaşdırılması istiqamətində görülmüş məqsədyönlü tədbirlərdən danışmış, qeyd etmişdir ki, uzun müddət təbii qaz almayan yaşayış məntəqələri sürətli templərlə “mavi yanacaq”la təmin olunur.

Rövnəq Abdullayev respublikanın qazlaşdırılması sahəsində həyata keçirilən işlərin bundan sonra da davam etdiriləcəyini vurğulamışdır.

İlham Əliyev yenidən qurulan Liman-Nərimanabad-Balıqçılar avtomobil yolu ilə tanış olub

Sarili — Sat, 11 Apr 2015 19:26:15 GMT

11 aprel 2015-ci il, Trend

Azərbaycan Respublikasının Prezidenti İlham Əliyev aprelin 11-də Lənkərana səfəri çərçivəsində Liman-Nərimanabad-Balıqçılar avtomobil yolu ilə tanış olub.

Əvvəlcə ölkə prezidenti avtomobil yolunun sxematik planı ilə tanış oldu. Bildirildi ki, uzun illər təmir işləri aparılmaması nəticəsində yol istismara yararsız vəziyyətə düşmüşdü. Qısa müddətdə yenidən qurulan yol əhalinin gediş-gəlişini xeyli asanlaşdıracaq. Yolun yenidən qurulmasına Azərbaycan Prezidentinin 2013-cü il 13 sentyabr tarixli Sərəncamı ilə Prezidentin ehtiyat fondundan 2 milyon manat və 2014-cü il 6 noyabr tarixli digər Sərəncamına əsasən isə dövlət büdcəsindən 3,6 milyon manat, ümumilikdə 5,6 milyon manat vəsait ayrılıb. Yolun tikintisinə 2013-cü ilin oktyabr ayında başlanılıb, tikinti işləri bu ilin aprelində başa çatdırılıb.

Məlumat verildi ki, yolun inşası zamanı ən müasir texnoloji üsullardan istifadə edilib, işin keyfiyyətlə və qısa müddətdə görülməsinə xüsusi diqqət yetirilib. 10 min nəfər əhalinin yaşadığı üç yaşayış məntəqəsini birləşdirən avtomobil yolunun ümumi uzunluğu 18,8 kilometr, eni 6 metrdir. Üçüncü texniki dərəcəli yolun yenidən qurulması zamanı ətrafındakı bataqlıq qurudulub, əraziyə torpaq tökülərək mindən çox həmişəyaşıl küknar ağacları əkilib.

Hamının səbirsizliklə gözlədiyi qaz çəkilişi

Sarili — Wed, 21 Jan 2015 20:13:00 GMT

Azərbaycan Respublikası Prezidentinin Sərəncamı

Sarili — Wed, 12 Nov 2014 19:51:48 GMT

06 noyabr 2014, 19:00

Lənkəran şəhərinin Liman-Nərimanabad-Balıqçılar avtomobil yolunun tikintisi ilə bağlı əlavə tədbirlər haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. On min nəfər əhalinin yaşadığı 3 yaşayış məntəqəsini birləşdirən Liman-Nərimanabad-Balıqçılar avtomobil yolunun tikintisinin davam etdirilməsi məqsədi ilə Azərbaycan Respublikasının 2014-cü il dövlət büdcəsinin dövlət əsaslı vəsait qoyuluşu xərclərinin bölgüsündə kəndlərarası avtomobil yollarının tikintisi və yenidən qurulması üçün nəzərdə tutulmuş vəsaitin 3,6 milyon (üç milyon altı yüz min) manatı Lənkəran Şəhər İcra Hakimiyyətinə ayrılsın.

2. Azərbaycan Respublikasının Maliyyə Nazirliyi bu Sərəncamın 1-ci hissəsində nəzərdə tutulan məbləğdə maliyyələşməni müəyyən olunmuş qaydada təmin etsin.

3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

İlham Əliyev
Azərbaycan Respublikasının Prezidenti

Bakı şəhəri, 6 noyabr 2014-cü il.

Şərhsiz

Sarili — Sun, 13 Apr 2014 21:03:30 GMT

04 may 2014-ci il

27 aprel 2014-ci il

19 aprel 2014-ci il

18 aprel 2014-ci il

16 aprel 2014-ci il

09 aprel 2014-ci il

12 mart 2014-ci il

Sarıda ev yandı

Sarili — Sun, 09 Mar 2014 22:09:06 GMT

Martın 9-u axşam saat 8-də Sarıda yanğın baş verib.

Yanan Sarı sakini Rəhimov Əliyar Razzaq oğluna məxsus olan şəxsi ev idi.

Havanın qaranlıq olması və külək yanğını ev sahibləri tərəfindən söndürməyə mane olduğundan

yanğın tez bir vaxtda bütün evi bürüyüb.

Artıq yanğınsöndürənlər gələndə ev demək olar ki, tamamilə yanmışdı.

Yanğının səbəbləri kimi yararsız elektrik naqilləri göstərilir.

Sarı qar altında

Sarili — Fri, 31 Jan 2014 19:56:47 GMT

Dünən gecə yarısından Sarıda başlayan qar hələ də davam edir.

Artıq səhər saatlarında qarın hündürlüyü yarım metrəni keçmişdi.

Qarın çox olmasına görə məktəbdə dərslər təxirə salınıb, gündüz böyük fasilələrlə verilən işıq axşam qaydasına düşüb.

Qarın çoxluğu ən böyük ziyanı isə nəqliyyat vasitələrinə vurub. Bu gün nə taksilərimiz, nə də Lənkərana gedən avtobuslarımız işləyə bilib.

Sinoptiklərin verdiyi xəbərə görə qarlı hava bir-neçə gün davam edəcək.

Sarıda suisid

Sarili — Tue, 17 Dec 2013 23:00:01 GMT

Bu gün Sarıda intihar baş vermişdir.

Nərimanabad sakini olan 19 yaşlı gənc qız özünü asaraq intihar etmişdir.

Hadisə dekabrın 17-də Orta Kosa`da (Средняя коса) baş vermişdir.

Hal hazırda polis işçiləri tərəfindən hadisənin səbəbləri araşdırılır.

Hadisəni törədən Orta Kosa`da yaşayan Töhfənin nəvəsi - İlhamın qızı olduğu bildirilir.

Sarı qazlaşdırılır

Sarili — Sat, 28 Sep 2013 20:47:01 GMT

Payız sarılılar üçün çox uğurlu başlayıb.

Sentyabrın 26-da Lənkəran rayon icra hakimiyyətinin başçısı T.Qaraşov, Sarıda keçirilən iclasda qəsəbə sakinlərinə daha bir xoş xəbər çatdırdı: oktyabrın 1-dən Sarıya qaz çəkiləcək

Qazın çəkilişi ilə bağlı işlər artıq başlanılıb. Köhnə borular kəsilib çıxarılır, qaz çəkdirmək istəyənlər qeydiyyata alınır, yeni borular daşınır.

Liman - Nərimanabad - Balıqçılar yolu yenilənir

Sarili — Sat, 28 Sep 2013 20:29:39 GMT

Sən demə bir neçə ildir ki, sözü gedən yol tikintisinin başlanması üçün Respublika prezidentinin sərəncamı lazım imiş.

Azərbaycan Respublikasının prezidenti İ.Əliyevin Liman-Nərimanabad-Balıqçılar yolunun tikintisi ilə bağlı tədbirlər haqqındakı sərəncamından sonra yol inşaatçıları axır ki, hərəkətə başladılar.

Hal-hazırda ölçmə işləri aparılır

Yolun tikintisi Balıqçılar tərəfdən başlayıb Limana doğru aparılacaq. Yolların kənarları kollardan təmizlənib biraz geniçləndiriləcək.