Azərbaycan, Bakı, 27 fevral
Yaxın vaxtlarda Azərbaycanda əmək pensiyasının baza hissəsi artırılacaq. Bu barədə çərşənbə günü jurnalistlərə Dövlət Sosial Müdafiə Fondunun (DSMF) sədri Səlim Müslümov Xəzər-Avropa İnteqrasiya İşgüzar Klubunun (CEIBC) üzvləri ilə görüşdən əvvəl deyib.
"Hazırda büdcənin imkanlarından asılı olaraq, artırılacaq baza hissəsinin həcmini müəyyənləşdirmək üçün hesablamalar aparılır", - Müslümov qeyd edib.
Onun sözlərinə görə, bu iş yekunlaşdıqdan sonra pensiyanın baza hissəsinin yenidən artırılmasının həcmi və tarixi açıqlanacaq.
"9 il ərzində icbari dövlət sosial sığortasından DSMF-yə daxilolmalar 184 milyon manatdan 1,5 milyard manatadək artıb", - o bildirib.
