Maçu Pikçu
Maçu Pikçu ( Machu Picchu - Qocaman Zirvə) - Müasir Perunun ərazisində yerləşən qədim Amerika şəhəridir.
Dəniz səviyyəsindən 2450 metr yüksəklikdə, Urubamba çayının üzərində yerləşir. 2007-ci ildə Yeni dünya möcüzəsi adına layiq
görülüb.
Maçu Pikçu-nu çox vaxt "səmada şəhər" və ya "buludlar arasında şəhər" adlandırırlar. Bəzən İnklərin itirilmiş şəhəri də deyilir.
Bəzi arxeoloqların fərziyyəsinə görə, bu şəhəri ink hökmdarı Paçakutek təqribən 1440-cı ildə, ispanların onun imperiyasını işğal
etməsindən 100 il öncə yaradıb. 1532-ci ildə ispanlar inklərin imperiyasını zəbt edirlər və elə həmin ildə şəhərin bütün sakinləri
müəmmalı şəkildə yox olmuşlar.
Maçu Pikçu Paçakutek tərəfindən imperator rezidensiyası kimi tikilmişdir. Maçu Pikçu üç belə rezidensiyadan biri idi. Ölçülərinə
görə çox da böyük olmayan şəhərdə ikiyüzə qədər tikili var ki, çox məharətlə yonulmuş daşlardan tikilmişlər. İspan konkiskadorlarının
şəhərə girə bilmədiylərinə görə şəhər dağıdılmayıb. Təsəvvür edilir ki, burada kənd təsərrüfatı ilə məşğul olan, Günəş allahı İnti-yə
sitayiş edən 1200-ə qədər əhali yaşayıb.
400 ildən çox şəhər unudulub və itkin olaraq qalıb. 1911-ci ildə amerikalı tədqiqatçı professor Hiram Bingham şəhəri kəşf edir.
Maçu Pikçudan Kusko-ya olan yol ink inşaatçılarının sənətinin ən gözəl nümunəsi sayılır. Hətta yağışlar mövsümündə yol öz
gözəlliyində qalır. Bütün imperiya uzunluğu 40000 km olan geniş kommunikasiya şəbəkəsi ilə bağlı idi. İnk dövlətində yollar ilk
öncə strateji əhəmiyyət daşıyırdı və ondan əlavə yol, vilayətlər arasında mədəniyyət mübadiləsinə təkan verirdi. İnklər
təkəri bilmədiklərinə görə dağ yolları çox zaman pilləvari tikilirdi.
Maçu Pikçu əsasən YUNESKO-nun Ümumdünya İrsi adını aldıqdan sonra kütləvi turizm mərkəzinə çevrilir. Gün ərzində şəhəri
2000 adam ziyarət edir.
