Tac Mahal
Tac-Mahal - mavzoley-məscid, Hindistanın Aqra şəhərində, Camna çayının sahilində yerləşir. Dünyanın yeni yeddi
möcüzəsindən biridar. Bu tikili dünyanın ən gözəl, ən möhtəşəm türbəsidir. Tac-Mahal, özündə fars, hind və islam memarlıq
üslublarını birləşdirən ən gözəl memarlıq nümunəsidir.
1983-ci ildə Tac-Mahal YUNESKO-nun Ümumdünya İrsinə daxil edilib və "müsəlman incəsənətinin Hindistanda mirvarisi"
adlandırılıb.
Tac-Mahal kompleksinin 1932-ci ildə tikintisinə başlanıb, 1953-cü ildə isə bitirilib. Türbə imperator Şah Cahan
tərəfindən vəfat etmiş arvadı Mümtaz Mahalın xatirəsinə tikilib. Mümtaz Mahalın və öldükdən sonra onun yanında dəfn edilən
Cahan şahın tabutları üst qatdadır. Qübbənin altında olan bu tabutlarda mərmər oymaçılığının ən gözəl nümunələri görünür.
Tabutların olduğu yerdə insan ağzından çıxan hər səs möhtəşəm qübbədə yeddi dəfə əks-səda verir.Sənət əsəri kimi
ayrıca bir xəzinə olan Tac Mahalın divarları həqiqi xəzinə daş-qaşlarıyla örtülüdür. Yüz minlərcə əqiq, sədəf, firuzə qoyulmuş
divarlarında 42 zümrüd, 142 yaqut, 625 brilyant, 50 çox böyük inci vardır. Türbənin tikintisi üçün 47 milyon qızıl lirə
xərclənmişdir və divarlardakı cəvahiratlar buna daxil deyildir. Ağ və çəhrayı mərmərlərdən tikilmiş 5 qübbəli, 4 minarəli
bu abidə, tərəflərinin mütənasibliyi, ideal simmetriyası və hədsiz gözəlliyi ilə insanları vahel edirdi. Hətta İstanbuldakı möhtəşəm
Süleymaniyyə Camisi üçün 19 milyon qızıl lirə xərcləndiyini söyləsək, Tac Mahal üçün necə böyük bir fədakarlıq göstərildiyi
daha yaxşı anlaşılır. Bu abidə Cahan şahın İstanbuldan dəvət etdiyi memarların əsəridir. Planını İstanbullu Məhməd İsa Əfəndi
çəkmiş, qübbəni İstanbullu memar İsmayıl Əfəndi tikmiş, divarlardakı şahanə yazıları yenə İstanbullu xəttat Səddar Əfəndi
yazmışdır. Bir çox xarici usta, o cümlədən italyan memarları da onların ixtiyarında çalışmışlar.
