Terrakota ordusu
Terrakota ordusu - 1974-ci ildə imperator Çin Şixuandinin məzarı yaxınlığında aşkar edilmiş, 8000-dən çox əsgər və onların atlarının tam ölçülü dəfn edilmiş gil fiqurlarıdır (İtalyan dilində Terra - torpaq, gil və cotta - yandırılmış).
Terrakota fiqurlar Çin sülaləsinin birinci imperatoru Çin Şixuandi ilə birgə eramızdan öncə 210 - 209 cu illərdə dəfn edilmişlər. İmperator ilə birgə fiqurlarla yanaşı 70 min fəhlə və ailəsi də dəfn edilmişdir.
Fiqurları 1974-ci ildə yerli fəhlələr Lişan dağının şərqində artezian quyusu qazarkən aşkar ediblər.
Terrakota ordusunun əsgərləri və atları Çinin müxtəlif vilayətlərində hazırlanmışlar. Tədqiqatçıların fikrincə, ağırlığı 200 kq olan atlar məzarlığın yanında, 135 kq-lıq əsgərlər isə başqa rayonlarda hazılanıblar. Maraqlıdır ki, bütün əsgər fiqurlarının sifətləri bir-birindən fərqlənir.
Əsgər fiqurları əsl incəsənət əsərləri sayılır. Hamısı individual olaraq, əl ilə hazırlanmışlar. Hər bir fiqur unikal sifət cizgilərinə malikdir. Fiqurları, lazım olan formanı verdikdən sonra sobalarda bişirib, üzərinə boyalar çəkiblər.
Terrakota ordusu zabitlərdən və sıravi əsgərlərdən ibarətdir. 2000-ci ildə məzarlıqda musiqiçi, akrobat və məmur fiqurları da aşkar edilmişdir.
| 
