Azərbaycan Müdafiə Sənayesi Nazirliyinin "Peyk" zavodu yaxın vaxtlarda rəqəmsal televiziya üçün DVB-T-dekoderlərin pilot partiyasının istehsalına başlayacaq. Bu barədə zavodun direktoru Siyavuş Əliyev bildirib.
Əliyevin sözlərinə görə, mövcud partiya təqribən 5-10 min ədəd təşkil edəcək. Qurğular bazara "DVB-T PEYK" brendi altında çıxarılacaq, onların qiyməti isə 30 manata yaxın olacaq.
"Hesablamalarımıza görə, qurğuların qiyməti 26 manatadək azala bilər. Bu, istehsalın həcminin 200-300 min ədəd olacağı təqdirdə baş verəcək", - Əliyev qeyd edib.
