Sara yarımadasında indiyə kimi qorunub saxlanılan qəbirüstü daşlar hələ XVII-ci əsrdə burada rus hərbiçilərinin olduqlarını, Rusiya İmperiyasının cənub sərhədlərinin  farsların hücumlarından qorunmasında Sara yarimadasının strateji əhəmiyyətli bir məntəqə olduğunu göstərir.

II Dünya Müharibəsi zamanı ətraf kəndlərdə aclıqdan əziyyət çəkənlərin köçərək Sara yarımadasına gəlmələri burada qəsəbənin yaranmasına və sürətlə inkişafına gətirib çıxartdı. Qəsəbədəki Nərimanov adına balıq kombinatı əhalinin əksəriyyətinin çalışdığı yer idi. Kombinatın məhsulları SSRİ-nin bir çox vilayətlərinə göndərilirdi. Qəsəbənin ilkin çağlarında əhalinin çoxunu ruslar təşkil edirdi. Qəsəbə sakinlərinin bir-neçə  millətlərdən və müxtəlif kəndlərin yenilik arzulayan nümayəndələrindən ibarət olması qəsəbədə özünəməxsus mədəniyyətin meydana çıxmasına səbəb oldu. Qəsəbədə orta məktəb, uşaq bağçası, xəstəxana, doğum evi, mədəniyyət evi, iki kinozal, park və başqa istirahət guşələri yaradılmişdı. XX-ci əsrin 70-80 cı illərində reqionun demək olar ki, ən qabaqcıl yaşayış məntəqələrindən biri idi.

Balıq kombinatından başqa, üzümçülük sovxozu, toyuq ferması, gül bağı və daha bir-neçə müəssisələr fəaliyyət göstərirdi. Amma təəsüf ki, bütün bunlar keçmiş zamana aiddir, və bunlar qəsəbə sakinlərinin yaddaşında keçmiş xoş günlər kimi qalıb. Hal-hazırda qəsəbədə  bir iş yeri - kivi bağı var ki, orada da 2-3 nefer adam işləyir. Qəsəbəmiz Qızılağac qoruğu ilə həmsərhəd olduğu üçün zəngin faunaya malikdir. İndi əhalinin bir qismi balıqçılıqla, tüfəngi olanlar da payız-qış vaxtı ovçuluqla dolanırlar.

Sarının kordinatları :  38°51′56″N 48°50′40″E 

Sarıda 4900-ə yaxın əhali yaşayır. Kişi və qadınların nisbəti təqribən birə-birdir.

Qəsəbəmizin xaricdə yaşayan nümayəndələri arasında professor, hərbiçi zabit, polis zabiti, biznesmen, gəmi kapitanları var. Gəmiçilərimizin çoxu Bakının, Türkiyənin və Ərəbistanın gəmiçiliklərində içləyirlər. Xaricdə olan sarılıların əksəriyyəti Rusiyada yaşayırlar. Ukrayna, Almaniya, Polşa, Belarusiya, Türkiyə və başqa ölkələrdə yaşayanlar da var. İndiki bütün çətinliklərə baxmayaraq, qəsəbənin gənc sakinləri, onlardan öncəki nəsillərin yaraddığı ənənəni davam etdirir, hər il ölkənin müxtəlif ali məktəblərinə qəbul olurlar. Qəsəbədə 750 ali təhsilli sakin var. Bunlar həm Azərbaycanin, həm də SSRİ-nin müxtəlif ali məktəblərini bitirənlərdir.

Nərimanabad qəsəbə ərazi vahidinin başçısı Ağayev Ağamirzə Rza oğludur.