Qəsəbənin qəbiristanlığı dolur. Daha doğrusu, qəbiristanlığın dəfn üçün yararlı hissəsi bir və ya iki ilə təmamilə dolacaq.

 

Məzarlığın böyük bir hissəsi isə (cənub hissəsi) heç bir işə yaramır, çünki oranın torpağı hələ 50-ci illərdə Port-İliç - Nərimanabad yolu tikilərkən qazılıb daşınıb.

 

Sarının ağsaqqalları da oturub - fikirləşib belə məsləhət gördülər ki, camahat pul yığsın. Həmin pula da Sarının başqa yerindən qum daşıyıb qəbiristanlığın çökək olan ərazisini doldurub əvvəlki vəziyyətinə qaytarsınlar.

 

Belə qərara alındı ki, hər ailə başçısı 5 manat ödəsin. Pullar artıq yığılmağa başlayıb. Pulu poçt şöbəsində Zöhraba və ya çayxanada Cavanşirə verib dəftərə ad və familiyanı yazdırmaq lazımdır.

 

Belə bir fikir də irəli sürüldü ki, pul verməyən ailələrdən vəfat edən olsa, onları dəfn etmək üçün yiyələri 30-50 manat pul ödəməli olacaqlar.