 Trans-Asiya-Avropa (TAE) fiber-optik kabel xəttinin Azərbaycan seqmenti daha da genişlənir. Bu proses Sarıdan da yan keçmedi. Hal-hazırda qəsəbədə fiber-optik kabelin çəkilişi üçün hazırlıq işləri aparılır. Qəsəbə TAE xəttinə qoşulduqdan sonra sakinlərin internetə çıxış imkanları artacaq, şəhərlərarası rabitə üzrə giriş və çıxışın keyfiyyət göstəriciləri yüksələcək, alternativ rabitə üçün geniş imkanlar yaranacaqdır. Rayon rabitəsinin bu xəttə birləşdirilməsi vətəndaşlara keyfiyyətli və müasir rabitə ilə yanaşı, bütün multimedia xidmətlərindən standartlar səviyyəsində istifadə etməsinə şərait yaradacaq. "Aztelekom İB"-dən verilən məlumata görə, sarılıların genişzolaqlı internetə qoşulması may-iyun aylarında gözlənilir. Qeyd edək ki, TAE fiber-optik kabel magistralının istismara verilməsindən sonra ilk dəfə olaraq Azərbaycan, Gürcüstan, Rusiya, İran, Türkiyə və Ukrayna istiqamətlərində birbaşa müasir yüksək keyfiyyətli rəqəmsal beynəlxalq rabitə təşkil edilmişdir.
My Great Web page Нравится |
