Şüşə butulka - bir million il. Şüşə kvarç qumundan hazırlanır ki, o da aqressiv mühitə çox dayanıqlıdır.

     Polietilen paket - 500-1000 il. Çox ölkələr polietilen paketlərdən imtina edir.

   Plastik butulka - 500-1000 il. Plastik butulkaların əksəriyyəti polietilen teraftalat-dan hazirlanır.

     Siqaret filtləri - 1-5 il. 

1979-cu ildə bir əcnəbi şəhərində panika yaranmışdı: inək südündə zəhərli maddə qeksaxloran aşkar edilmişdi. İnəklər də onu zibillikdə bitən otu yeyərkən almışdılar. Bəs görəsən bizim körpə uşaqlara verdiyimiz südün tərkibində nə qədər zəhərli maddə var? Bunu heç yoxlayan da yoxdur. Bizim yazıq inəklər zibillikdən başqa bir yer də tanımırlar. 

   Həyat tərzimizin dəyişməsi,  dünyada sənayenin artması, birdəfəlik istifadə üçün nəzərdə tutulan sənaye malları, qablaşdırmada ucuz, amma zərərli materialların istifadəsi məişət tullantılarının artmasina gətirib çıxarır.  İndi xarab olmuş əşyanı zibilliyə atmaq onun təmirindən sərfəlidir.

    Bütün bunlar bizə , Sarılılara da aiddir. Zibil sanki Sarını dörd bir tərəfdən əhatəyə alır. Sarını bürüyən zibillər təkcə qəsəbənin görünüşünü pozmur.  Zibillərdən torpağa hopan zəhərli maddələr dərində olmayan qrunt sularına keçir və quyularımız zəhərli maddə mənbəyinə çevrilir.

   Sarının zibil problemi icra nümayəndəsinin və bələdiyyənin vecinə olmadığı kimi bizim də vecimizə deyil. Küçədə suyu içib butulkaya bir təpik vurmaq normal bir şey sayılır. Həyəti süpürüb küçəyə tökməkdən təbii nə ola bilər? Hamamın kanalizasiya suyunu küçədə ayaq altına buraxmaq isə ən böyük məharət sayılır.  Sanki dənizin qoynunda yerləşən, Xəzərin yüzillərlə yuyub təmizlədiyi adanı zibil poliqonuna çevirməkdə yarışmağa çıxmışıq.

    Görəsən qəmgin gözləriylə ətrafa baxan şəkildəki inəyin ürəyindən nə keçir?