 Havaların nisbətən sərin keçməsinə baxmayaraq Sarıda çimərliklərdə həmişə olduğu kimi istirahətə gələnlərin sayı çoxdur. Burada həm Cəlilabaddan, həm Masallıdan, sözün qısası, bütün Cənub bölgəsindən gələnləri görmək olar. Sarıda dəniz dərin olmadığından uşaq və qadınlar üçün (adətən üzməyi bacarmayanlar üçün) daha əlverişlidir. Düzdür, qum tərəfdən biraz kasıbçılıqdır, amma onun əvəzinə başqa pluslarımız var.
Mənfi cəhətlərdən biri də, çimərliyin zibilli olmasıdır ki, onu da özümüz yaradırıq. Dənizin kənarında keçən ildən, hətta o biri ildən qalan plastik qabları görmək olar. Çimərlikdə zibil qabları olsaydı daha yaxşı olardı, buna baxmayaraq öz zibilimizi özümüzlə aparmağa heç kim bizə mane olmur. Əyər belə davam etsə, biz günəş vannası yox, zibil vannası qəbul etməli olacağıq.
|
